waiz mariz hun main kisi ki nigah ka
mujh par asar na hoga tere intibah ka

taswir un ke aariz-e-zeba ki hai sahar
raat ek aks hai mere haal-e-tabah ka

un ko kiya pasand to khud ho gaya pasand
aalam hai mo'tarif mere zauq-e-nigah ka

nur-e-mohammad-e-arabi mere dil mein hai
surma hai meri aankh mein yasrib ki rah ka

jin ki jabin ne sajda-e-khak-e-haram kiya
uncha hai sab se gosha unhin ki kulah ka

ai zauq-e-did shan-e-shab-e-mahtab dekh
aaina hai ye husn ki jaulan-gah ka

go mujh ko hasrat-e-karam-e-mustaqil nahin
khwahan hai dil magar sitam-e-gah-gah ka