waraq waraq sa bikharta kitab-e-gham jaisa milega shahar mein shayad hi koi hum jaisa har ek shab-e-guzishta ko dawaten de kar manae jashn-e-hasin koi jashn-e-gham jaisa kabhi wo anjuman-e-dil kabhi wo sirf sukut kabhi wo had se tajawuz kabhi wo kam jaisa gale laga ke jise khub roe khub hanse kabhi mila hi nahin koi hum se hum jaisa main ek pyas ka sahra azim la-mahdud wo ek tawil samundar magar hai kam jaisa wo dur dur ka manzar main lamha lamha talash wo faslon ki tarah main qadam qadam jaisa huzur-e-ishq ki is bargah mein 'sajid' hamein khitab mila hai janab-e-ghum jaisa