wo aadmi jo teri aarzu mein marta hai
wo tujh se pyar nahin khud se ishq karta hai

faza mein khauf ke parcham buland hote hain
sawad-e-sham se lashkar koi guzarta hai

meri zamin ke bulawe ghazab ke hain lekin
koi junun mere par raat-din katarta hai

main apne aap ko ab kis ke chaak par rakkhun
shikasta zarf dobara kahin sanwarta hai

lage hue hain jahan par visal ke kheme
udhar se hijr ka rahwar bhi guzarta hai