wo aalam tha ki khatre se ulajh jaana zaruri tha magar ji ko kisi surat to bahlana zaruri tha hamari be-zabani warna ek aazar ban jati ye wahshat hi sahi duniya ko jatlana zaruri tha nipat kar dushmanon se doston se bhi ladai ki raha ek dil to bechaare ko samjhana zaruri tha badan mitti ka thahra aur mitti ek hoti hai jahan bhi tik gae mitti se yarana zaruri tha udasi baam-o-dar ki dil mein aise tut kar barsi badan par mausamon ki naqsh lahrana zaruri tha shamala hath mein lab par ghazal aur raat bhigi si mera khud apne hi raste se hat jaana zaruri tha amir-e-shahr to hilta na tha apne thikanon se hamein har haal mein patthar se takrana zaruri tha bacha le aae apne aap ko ghaul-e-shagalan se jise kho aae the us shakhs ko pana zaruri tha chale ho jaanib-e-kaba jo yun 'shahin' ba-wahshat tumhein pahle to khud apne hi but dhana zaruri tha