wo ek nigah jo be-iKHtiyar karti hai

wo ek nigah jo be-ikhtiyar karti hai
dilon ko dard ka umid-war karti hai

wahi suluk mere dil se tum bhi kyon na karo
chaman ke sath jo fasl-e-bahaar karti hai

nigah-e-shauq ko dun kaun-si saza ya-rab
ye dil ka raaz-e-nihan aashkar karti hai

samajh saka na koi fitrat-e-mohabbat ko
ye us ko phunkti hai jis ko pyar karti hai

mujhe to chain nahin hai kashakash-e-gham se
wo shai hai kya jo tumhein be-qarar karti hai

na aae tum to shikayat mujhe nahin lekin
ye chandni jo mujhe sharmsar karti hai

ghurur-e-ishq bahut ho chuka 'adib' bahut
wo bazm ab bhi tera intizar karti hai


Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close