wo harf-e-gham jo zaban se kabhi ada na hua
hazar rang se unwan har fasana hua

ba-juz dua-e-sahar aur mil saka na kahin
wo soz-o-saz ki jaan-e-gham-e-shabana hua

hum aur soz-e-mohabbat hum aur nur-e-wafa
magar kisi ki tawajjoh se kya ata na hua

har ek lamhe se pae hain taza gham hum ne
har ek lamha nai umr ka bahana hua

sab apne apne ujalon mein gum rahe 'fitrat'
sharik meri shab-e-gham mein koi tha na hua