wo jitna mujhe aazmata rahega
yaqin mera utna ganwata rahega

kabhi puchh le tu raza is ke man ki
kahan tak tu apni chalata rahega

ye haiwaniyat jurm karti rahegi
sharafat pe ilzam aata rahega

zamana hai bahra bache kaise izzat
koi shor kab tak machata rahega

zamana hua khud mein chaalak itna
tu jab tak darega daraata rahega

rahegi mohabbat jawan mere dil mein
tera dard jab tak satata rahega

ghamon ko bhi hans kar wo ji lega 'kalkal'
khuda ko jo bartar batata rahega