wo jo khwabon ke ghar ka rasta hai khwahish-e-dar-ba-dar ka rasta hai us ki yaadon ki rahguzar thi jahan ab wo shahr-e-hunar ka rasta hai us se milne ki khwahishon ke liye ek tanha safar ka rasta hai ek lamhe ko us ki manzil hai aur phir umr-bhar ka rasta hai ishq aasan safar hai kis ke liye ye meri jaan sar ka rasta hai jo mere hijr ki masafat hai wo teri ek nazar ka rasta hai ishq ki rah mat chalo 'adil' ye to us ke hi dar ka rasta hai