wo khud ko mere andar dhundta hai
wo surat hai ye surat-ashna hai

magar ye apne apne daere hain
koi naghma koi naghma-sara hai

wo baadal hai to kyun hai ju-e-kam-ab
samundar hai to kyun par taulta hai

nadi ke darmiyan sidhi sadak hai
nadi ke par kachcha rasta hai

wo na-maujud har shai mein hai maujud
ye aalam bhi ajab hairat-faza hai

na jaane kya sar-e-nazzara hoga
use dekha nahin dil mubtila hai