wo mere dil ki raushni wo mere dagh le gai
aisi chali hawa-e-sham sare charagh le gai

shakh o gul o samar ki baat kaun kare ki ek raat
baad-e-shimal aai thi bagh ka bagh le gai

waqt ki mauj tund-rau aai thi su-e-mai-kada
meri sharab phenk kar mere ayagh le gai

dil ka hisab kya karen dil to usi ka mal tha
nikhat-e-zulf-e-ambarin ab ke dimagh le gai

bagh tha us mein hauz tha hauz tha us mein phul tha
ghair ki be-basirati mujh se suragh le gai