wo qafila jo rah-e-shaeri mein kam utra
nasib se mere ghar karwan-e-gham utra

tujhe khabar hi nahin hai ye qissa-e-kotah
jahan pe but na gire kab wahan haram utra

safed ho gae jab shahr ke tamam sutun
har ek burj har ek taq mein sanam utra

kashan kashan jo sitaron ki samt nikla tha
phira to apni zamin par ba-chashm-e-nam utra

dayar-e-ishq ki tira-nasibiyan 'salim'
ki aasman to gire khub abr kam utra