wo tera shahar tere shahar ka har rang juda yaad aaya aankh band hote hi ek manzar-e-tamsil-numa yaad aaya be-niyazana wo dildari-e-jaan pursish-e-gham ki koshish aankh bhar aai hai jab jab tera andaz-e-wafa yaad aaya jab dil-e-zar har ek chiz se thak haar ke ukta sa gaya ek ek pal jo tere sath guzara tha bada yaad aaya subh-dam sahn-e-watan naghma-e-murghan-e-chaman se mamur aisi pur-shor si tanhai mein to had se siwa yaad aaya rang ki qaus-e-quzah jab kabhi baadal ki jabin par ubhri wo mera shoala-sukhan dilbar-e-rangin-qaba yaad aaya