wo zulf hai to harf-e-tatar-o-khutan ghalat
is lab ke hote nam-e-aqiq-e-yaman ghalat

aaya hai jab sen bagh taraf wo kitab-ru
tab sen hua hai safha-e-barg-e-saman ghalat

baithe sukhan mein wada-khilafi ka bol kyun
hargiz nabol' bol ai shirin-dahan ghalat

darta hun us bhawon ke ishaarat sen dam-ba-dam
hota nahin hai saif-zuban ka sukhan ghalat

raushan hai ai 'siraj' ki fani hai sab jahan
mutrib ghalat hai jam ghalat anjuman ghalat