yaad-e-jaanan satati rahi umr bhar khun ke aansu rulati rahi umr bhar ek aawaz aati rahi umr bhar dil mein jadu jagati rahi umr bhar ek na ek gham se padta raha wasta zindagi gul khilati rahi umr bhar su-e-sahra qadam mere uthte rahe jaane kya shai bulati rahi umr bhar aap se mil gai mujh ko aisi khushi zindagi muskuraati rahi umr bhar main ki tha ek muflis ke ghar ka diya aatish-e-gham jalati rahi umr bhar khub thi husn-e-dilkash ki jalwagari 'auj' dil ko lubhati rahi umr bhar