yaad teri juda nahin hoti mujh se ek ye khata nahin hoti koi khwahish nahin meri shayad dil se koi dua nahin hoti yan pe chup baithna hi behtar hai baat yun har jagah nahin hoti dekh lo khud bhi tum siyane ho in buton mein wafa nahin hoti ishq karne se baz rahna tum is maraz ki dawa nahin hoti chhod deti hai sath ye sab ka zindagi ba-wafa nahin hoti 'shan' ahl-e-nazar ye kahte hain sadgi be-ada nahin hoti