yahan kise hansne ki fursat rakkhi hai
ek se nimto dusri aafat rakkhi hai

har jaanib ek khel hai aapa-dhapi ka
manzar manzar kaisi wahshat rakkhi hai

sochun to bazar bhi chhota lagta hai
ghar ke andar itni zarurat rakkhi hai

tere dil ko pyar se mala-mal kare
phul ke andar jis ne nikhat rakkhi hai

ek ke dukh mein sare roya karte hain
ghar mein abhi ajdad ki daulat rakkhi hai