yahan to roz naya ek kamal hota hai jawab jis ka nahin wo sawal hota hai kuchh apne aap main khush hain kuchh apne aap mein gum malal ye hai ki hum ko malal hota hai tumhaari baat se sab muttafiq hon na-mumkin har ek shakhs ka apna khayal hota hai amir-e-shahr ko ab tak yahi hai khush-fahmi gharib-e-shahr ka mazi na haal hota hai asar 'faridi' haqiqat hai ye fasana nahin uruj jis ka ho us ka zawal hota hai