yak nigah sen liya hai wo gulfam
kya khirad kya shakeb kya aaram

haq mein ushshaq ke qayamat hai
kya karam kya itab kya dushnam

mujh kun gul-gasht-e-bagh-e-zindan hai
sabza zanjir-o-shakh-e-sumbul-o-dam

mai-kashi kun teri gulistan mein
sarw-e-mina hai daur-e-nargis-e-jam

waqt hai ab namaz-e-maghrib ka
chand rukh lab shafaq hai gesu sham

aarzu hai jo manzil-e-maqsud
tark-e-matlab hai mudda-e-tamam

sidq-e-dil sen 'siraj' bandha hai
kaba-e-ku-e-yar ka ehram