yaqin se phutti hai ya guman se aati hai
ye dil mein raushni aakhir kahan se aati hai

makan jale hain makinon ke qatl-e-am ke baad
mahak lahu ki umandte dhuan se aati hai

payam lati hai auj-e-firaq ka mujh tak
hawa jo mil ke mere mehrban se aati hai

qarar deti hai wo aaine ko manzil-e-did
jo gard ud ke abhi karwan se aati hai

ziya-e-roz-e-azal zulmat-e-shaban-e-giran
faza hai jo bhi isi aasman se aati hai

hamin na ja sake sajde mein wasl pane ko
sada to ab bhi 'taraaz' aastan se aati hai