ye aise dard ka lamha hai bhai
yahan har shakhs afsurda hai bhai

sulagti khwahishon ke ped par kyon
parinda karb ka baitha hai bhai

hamare aur us ke darmiyan ab
bas ek tuta hua rishta hai bhai

zamana kuchh kahe lekin ghazal mein
hamein to sirf sach likhna hai bhai

yahan har shakhs mujh se puchhta hai
sukun-e-dil kahan milta hai bhai

nahin hai mal-o-daulat pas 'sahir'
magar ek khwab to apna hai bhai