ye bhi mausam ajib mausam hai us se bichhde hain aur dukh kam hai mustaqil us ko yaad karta hun mustaqil ek sa hi aalam hai ek chehra hai jis ko dekhta hun ek aawaz hai jo paiham hai tum bhi us ki nishaniyan sun lo lahja khushbu hai baat shabnam hai chikhta hun use bulane ko aur aawaz phir bhi maddham hai sochta hun ki main nahin rota aur meri aankh mein bada nam hai waise hi raste hain sare magar sath chalta tha jo wahi kam hai koi milta nahin mohabbat ko ek ajab furqaton ka aalam hai mujh se ye gham saha nahin jata ghaaliban mujh ko ab bahut gham hai