ye dil bhulata nahin hai mohabbaten us ki padi hui thin mujhe kitni aadaten us ki ye mera sara safar us ki khushbuon mein kata mujhe to rah dikhati thin chahaten us ki ghiri hui hun main chehron ki bhid mein lekin kahin nazar nahin aatin shabahaten us ki main dur hone lagi hun to aisa lagta hai ki chhanw jaisi thin mujh par rifaqaten us ki ye kis gali mein ye kis shahr mein nikal aae kahan pe rah gain logo sadaqaten us ki main barishon mein juda ho gai hun us se magar ye mera dil meri sansen amanaten us ki