ye dil-katha hai adakar tere bas mein nahin
main khun thukta kirdar tere bas mein nahin

main manta hun ki tujh ko bhula nahin sakta
mujhe bhulana bhi ai yar tere bas mein nahin

hai roz bargah-e-dil mein aag par matam
ye gham manana aza-dar tere bas mein nahin

mere khuda ho mujhe bhi bashaarat-e-bakhshish
nahin ki mujh sa gunahgar tere bas mein nahin

meri nazar mein hain uslub-e-naqd-o-fikr-o-sukhan
mere wajud ka inkar tere bas mein nahin