ye dosti ye mohabbat ye inkisar fareb ye ham-nawa ye muawin ye mere yar fareb qadam qadam pe talluq qadam qadam rishte ye bar bar dilase ye bar bar fareb naqab itne hain chehron pe kya hataoge har ek bar hatao har ek bar fareb ajib rang-e-wafa hai ajib tarz-e-sitam na dil-pazir mohabbat na shandar fareb khalish jigar mein hai aur tajziya hai aankhon ka bade saliqe se dete hain gham-gusar fareb meri hayat mere roz-o-shab meri duniya ye ikhtiyar numaish ye e'tibar fareb