ye jam-o-baada-o-mina to sab dilase hain
labon ko dekh wahi umr-bhar ke pyase hain

karo jo yaad to hum se bhi nisbaten hain tumhein
wo nisbaten jo kaf-e-pa ko naqsh-e-pa se hain

zara mein zakhm lagae zara mein de marham
bade ajib rawabit mere saba se hain

tere baghair bhi katti rahi zara na ruki
shikayaten mujhe umr-e-gurez-pa se hain

na bah sakin to ragon mein rawan-dawan nashtar
nikal bahin to ye aansu zara zara se hain