ye jo insan hain be-shumar
in ke arman hain be-shumar

zindagi main tujhe kya likhun
tere unwan hain be-shumar

ai khuda kar hifazat meri
dushman-e-jaan hain be-shumar

meri kashti hai tuti hui
aur tufan hain be-shumar

bagh mein gul khila ek hai
aur gul-dan hain be-shumar

dard dil mein bhara hai magar
lab pe muskan hain be-shumar

jis pe qurban 'anwar' ho tum
us pe qurban hain be-shumar