ye kis ke aansuon ne us naqsh ko mitaya
jo mere lauh-e-dil par tu ne kabhi banaya

tha dil jab us pe mail tha shauq sakht mushkil
targhib ne use bhi aasan kar dikhaya

ek gard-baad mein tu ojhal hua nazar se
is dasht-e-be-samar se juz khak kuchh na paya

ai chob-e-khushk-e-sahra wo baad-e-shauq kya thi
meri tarah barahna jis ne tujhe banaya

phir hum hain nim-shab hai andesha-e-abas hai
wo wahima ki jis se tera yaqin aaya