ye mausam faslon ka hai to be-shak fasla rakhna magar dil mein mohabbat ke darichon ko khula rakhna andheron ke muqaddar mein sahar se mat likkhi hai ye shab bhar ki khudai hai charaghon ko jala rakhna qafas ki tiliyan parwaz-e-hur kab rok paengi jigar mein azm-e-kaamil to nigahon mein faza rakhna ye mana haq ka rasta dar se ho kar guzarta hai magar sabit-qadam bante hain ghazi hausla rakhna qalam-rau tha jo shahin ka wo ab kargas ki basti hai palat sakti hai phir bazi azaem ko jaga rakhna