ye sach hai duniya bahut hasin hai
magar meri umr ki nahin hai

teri jagah kaun le sakega
tu mera pahla tamash-bin hai

mujhi pe hai sochne ka zimma
use to har baat ka yaqin hai

bujha hi rahta hai dil hamara
na jaane kis dhup ka nagin hai

hai mujh pe ilzam-e-khud-sataish
aur is mein kuchh jhut bhi nahin hai

na rakh bahut hosh ki tawaqqo
ki ye mera ishq-e-awwalin hai

ajab hai andaz-e-bandagi bhi
ki hum kahin aur saf kahin hai