ye to gham subh-o-sham ka nikla
ishq bhi kitne kaam ka nikla

mere izhaar par wo barham hai
kuchh to mauqa kalam ka nikla

rah mein wo mile magar do pal
sath do-chaar gam ka nikla

tum bulate ho ab na aate ho
kya qusur is ghulam ka nikla

ban gai jhonpdi gharibon ki
ped kat kar bhi kaam ka nikla

ishq tha dil ka masala phir bhi
masala ye awam ka nikla

hijr mein us ke ro liye 'zakir'
khun to dil mein nam ka nikla