ye zist aasan ho kitni ibaadat sath rahti hai mohabbat mar nahin sakti mohabbat sath rahti hai kisi aamil ne bola tha meri rudad sun ke ye miyan ye aish mamnua hai zarurat sath rahti hai meri qimat meri taslim ke gauhar mein pinhan hai ye qismat kab sudharti hai musibat sath rahti hai dam-e-rukhsat jo hanste hain wahi rote hain khalwat mein girae lakh parde hon haqiqat sath rahti hai 'siyah' kabe bahut dekhe bade sajde kiye lekin aqidat kab bhatakti hai aqidat sath rahti hai