yun ba-zahir dekhe to yar sab
waqt padne par yahi bekar sab

maslahat hai haq nazar-andaz kar
haq kaha jis ne chadhe wo dar sab

hum ana ki potli thame rahe
hath khali the hue wo par sab

ai khuda tu ne banai thin wo kya
jis ki aankhon se hue sarshaar sab

kuchh sukun shayad mayassar aaega
chhod ke dekha tha ye ghar-bar sab

koi aisa waqt to phir aae shams'
nind se jag jaen phir ek bar sab