yun wahshat-e-junun se bachaya gaya mujhe khalwat se dur bhid mein laya gaya mujhe chashma hata ke shahar ghumaya gaya mujhe jo tha nahin wo sab bhi dikhaya gaya mujhe main tha buzurg ped sa aangan ke bich mein so dekhta gaya jo dikhaya gaya mujhe ek hadse mein jal ke meri maut ho gai main jal chuka tha phir bhi jalaya gaya mujhe maqsad tha un ka lutna mujh ko jue mein so pahle-pahal to yunhi jataya gaya mujhe main tha charagh aur mera mear dekhne suraj ki raushni mein jalaya gaya mujhe