zad-e-rah le ke yaadon ki tanwir main
gum-shuda raston ka hun rahgir main

us se kah do ki le jae aankhen meri
us ki dil mein sanbhaalunga taswir main

ganw ujda hua phir se aabaad ho
ek haweli karun aisi tamir main

koi batlae bhi kya khata hai meri
kis liye sah raha hun yun tazir main

mujh ko di hai amanat miyan qais ne
ishq teri badhaunga tauqir main

mere apne hain shamil saf-e-dushmanan
kaise 'arshad' uthaunga shamshir main