zard patta jo dal se nikla hasraton ke wabaal se nikla apna wahm-o-guman qawi kar ke waqt-e-akhir zawal se nikla zindagi ka tawil hangama lal suraj ke thaal se nikla log chup the magar wo afsana waqt ke qil-o-qal se nikla mahw-e-hairat hai aaj tak manzil rasta kaisi chaal se nikla wo zaman aur makan se aage tha mutmain har khayal se nikla kaise tai ho bacha hua rasta sher baitha hai jal se nikla lo baghal mein samet kar rakh lo hath thanda hai shaal se nikla kaisa mubham jawab ai 'jafar' mere wazeh sawal se nikla