zat ka apni eatibar gaya ek bazi main aur haar gaya nakhuda kashti-e-mohabbat ka kis bhanwar mein mujhe utar gaya kaise chhoda hai us ne tir-e-nazar dil mein atka na dil ke par gaya ab ke bhi pichhle sal ki manind yunhi ye mausam-e-bahaar gaya jam-e-labrez mujh tak aate hi zehn ka mere khalfishaar gaya main ne ghabra ke si liya daman dao main jit ke bhi haar gaya aashti ho gai gareban se hath se ye bhi karobar gaya khuld ki awwalin baghawat par dhyan mera bhi bar bar gaya aaj phir aa gae hain wo 'rahat' aaj phir lutf-e-intizar gaya