zawiye bahaaron ke sab hasin hote hain
jhut ke sabhi mausam be-yaqin hote hain

hum bhi jaan kar un se ahd-o-paiman karte hain
us ke jhute wade bhi dil-nashin hote hain

jhelte hain sara dukh lab pe kuchh nahin late
dard ki rifaqat ke jo amin hote hain

sip mein hi rahte hain surat-e-sadaf ban kar
dil mein yaad ke moti yun makin hote hain

ustuwar rakhte hain zindagi se sab rishte
ishq karne wale bhi kya zahin hote hain