zikr-e-jamal-e-subh na kuchh fikr-e-sham hai afsana-e-hayat abhi na-tamam hai badmast hai koi to koi tishna-kaam hai kahne ko mai-kade mein tere faiz aam hai manzil hai koi khas na koi maqam hai be-rah zindagi hai magar tez-gam hai dekho to be-niyaz hai duniya se dard-e-ishq samjho to ye bhi ek gham-e-dauran ka nam hai zahid fareb-khurda-e-jannat sahi magar hum kafiran-e-ishq pe dozakh haram hai rang-e-bahaar hai na nashat-e-nazara hai ai baghban salam agar ye nizam hai 'azmat' ye ahl-e-fikr-o-nazar ka hai faisla wo dard-e-zindagi hai jo apna kalam hai