zindagi raste badal rahi hai maut bhi apni chaal chal rahi hai ya ilahi talluqat ki khair dosti hashiye pe chal rahi hai chand masruf hai khalaon mein raushni zaiqe badal rahi hai hans ke manzur kar liya hai magar baat ab bhi zara si khal rahi hai be-yaqini ki ek rida odhe zindagi sath sath chal rahi hai bad-gumani ka ehtimal to hai sham-e-umid phir bhi jal rahi hai band mutthi mein ret ki manind zindagi ai 'qalaq' phisal rahi hai