zist ka hasil jawani hai magar wo sin gaya
asl jo sarmaya-e-hasti tha yani chhin gaya

ishq ki be-samtiyon ka us ne jab manga hisab
ungliyon par umr ki sari bahaaren gin gaya

ab to kam az kam ujad ja ai dil-e-khana-kharab
dhadkanen kaise rawan hain jab tera sakin gaya

mil gaya ya pa liya jo tha muqaddar ka likha
dastaras se dur mumkin aur na na-mumkin gaya

ghair se gulfam us ko be-takalluf dekh kar
ek pal mein e'tibar-e-zahir-o-baatin gaya