zulmat aisi ki sujhai nahin deta kuchh bhi
nur itna ki dikhai nahin deta kuchh bhi

khamushi ki wo khala lafz labon se gir jaen
shor itna ki sunai nahin deta kuchh bhi

ek hamdard ne phir lut li dil ki basti
dil wo khugar ki duhai nahin deta kuchh bhi

bar-sar-e-rah bhi gulzar khile hain kitne
dhun mein manzil ki dikhai nahin deta kuchh bhi

dasht se daulat-e-sayyal mili auron ko
hum ko juz aabla-pai nahin deta kuchh bhi