har su hai bahaar-e-mah-e-august
hai dil mein qarar-e-mah-e-august

apna hai chaman apna hai watan
apna hai jahan-e-azadi

hai hathon mein aazadi ka alam
hai sab se juda apna parcham

aazad hai ab apna maskan
uncha hai nishan-e-azadi

dharti ko sajaenge hum sab
gulzar banaenge hum sab

hum sab ko taraqqi ki hai lagan
dikhlaenge shan-e-azadi

is desh ki har shai hai pyari
har chiz yahan ki hai niyazi

kashmir himala gang-o-jaman
karte hain bayan-e-azadi

bachche hain magar himmat wale
hain aazadi ke rakhwale

kar denge zamane ko raushan
hum log hain jaan-e-azadi