maut ek aham kaam hai
ise yaksu ho kar karna chahiye

ya sare kaam nimta kar
kisi karobari saude se pahle

intikhabi muhim ke dauran
aur nazm ke wast mein

maut nahin aani chahiye
maut se pahle

irade pure kar lene chahiyen
unhen dariya mein phenk dena chahiye

ya unhen wasiyyat mein likh dena chahiye
aisa karne wale

udas ho kar marte hain
aur un ki maut

utni afsosnak nahin hoti
jitni un ki

jo maut se pahle apne kaam nahin nimtate
aur hairan ho kar mar jate hain