puri baat kahne ki kab mujhe ijazat hai puri baat sunne ki aap ko kya zarurat hai aap ilm ke dai aap soch ke rahbar aap hi mohabbat ke qaede banate hain aap hi rifaqat ke sab hunar batate hain aap ke tabassum ko main ne gar kabhi khoja pichhle kitne janmon ke ishq ke khandar nikle aan-janab ke sare dard mo'atabar nikle aap muskuraate hain muskuraate rahiye to puri baat kahne ki kab mujhe ijazat hai main ki ek aurat hun ya ki phir mohabbat hun aadhi baat kahti hun pura dukh uthati hun