teri chashm-e-khandan tera ye tabassum
falak se take hain sabhi mah-o-anjum

bahaaron ke mausam tumhein dhundte hain
tumhein chahte hain tumhein pujte hain

tumhein dekh kar ye hawa jhumti hai
zamin nachti hai qadam chumti hai

bataun main kaise ki kitni hasin ho
nahin aafrin wo jo tum sa nahin ho

agar chaar hi lafz kahne hon mujh ko
meri jaan main bas yahi kah sakunga

pari-ru pari-ru latafat latafat
magar un se badh ke mohabbat mohabbat