dar diwar aur dariche
ek muahida hain

adam-e-mudakhalat ka mashrut muahida
do mohazzab insanon ke darmiyan

do mutamaddin khandanon ke darmiyan
diwar

tahzib ki tarjuman
tamaddun ki pahchan

aur baqa-e-bahami ki aaina-dar
hila huquq ki zamanat

baqa-e-tahiyat ki alamat
hait aur ahata

zehni-o-jismani aasudgi
aur

sukh-chain ke liye lazim hai
dakhl dar maqulat

ghair-akhlaqi hi nahin
ghair-insani rawayya bhi hai

ghar ka haq hai ki wo
dusre ghar ki be-ja mudakhalat se mahfuz rahe

hum diwar to
hamdard hota hai

khabar-gir hota hai
khabar-rasan nahin ban sakta

takhayyul aasudgi
sukh ghatati

aur dukh badhati hai
shakar-ganji paida karti hai

aazurda-dili ka maujib banti hai
fasle diwar ki pukhtagi se nahin

dilon ki sakhti se badhte hain
pukhta diwar to tamaddun ki baqa hai

suri fasle be-mani ho jate hain
agar qalb-o-nazar shad hon

haq khalwat khalij nahin
farakhi tarfain hai

priwacy ka haq
tahzib-e-insani ki mearaj hai