waqt ka tum par kya asar
ki tumhaari aankhen

samri ka katora hain
jin mein pesh aane wale waqiat ubal paden

zehn ki chadaren tumhaare mood se badli jati hain
niyyat ka mausam yak-dam monal ki raat ban jata hai

sirf jab tumhaari baat ka bulb jale
be-libas na phiro ki ret ka rang tum se jalne lage

libas pahno ki chhatriyon ki qaus-e-quzah se dhup muskura uthe
barish bane rahna ki darakht tum se parde ki zahmat na karen

apne baal mat sanwarna jangalon mein raat katna kisi ko bahut pasand hai