ghar mein thi shadmani
ek jashn-e-kaamrani

dekha jo ye tamasha
ammi se main ne puchha

ammi ye baat kya hai
kyun jashn ho raha hai

ammi ye hans ke boli
tu to badi hai bholi

tujh ko khabar nahin hai
bhayya ki kal hai shadi

aaegi tere ghar mein
kal ek shahzadi

main jaanti nahin thi
hoti hai kya ye shadi

itna magar pata tha
ye baat hai khushi ki

sunna tha sirf itna
masrur ho gai main

fart-e-khushi se phir to
maghrur ho gai main

kahti saheliyon se
bhayya ki kal hai shadi

aaegi mere ghar mein
kal ek shahzadi

aai jo ghar mein dulhan
dekha utha ke chilman

mujh si hi ek ladki
dulhan bani hui thi

main ne jo nam puchha
us ne kaha ki bhabhi