pichhli raat ka chand dikhai deta tha kuchh yun taron mein jaise koi jaan bujh kar kud raha ho angaron mein dharti se aakash talak kirnon ka sundar jal bichha tha raj tha sapnon ka sab jag par chhaya hua ek sannata tha lahron ki munh zor silwaton mein nadi bas ghol rahi thi dhime dhime madhur suron mein shayad kuchh bol rahi thi ped kinare par bhigi parwa se kanp rahe the thar-thar rah rah kar ek aadh an-dekha panchhi chikh uthta tha jin par dur ek parbat ki unchi choti par ek chhoti si badli kya jaane purab ki dhundle mandal mein kya dhundh rahi thi aise mein hum donon ek halki si nannhi naw mein baithe jhil-mil jhil-mil karte pani ki chhati par tair rahe the teri rukh pe pareshan kakul khel khel rahi thi narm hawa se rup mein tera sundar mukhda kahin suhana tha chandra se bijli aisa nur aankhon mein dikhai deta tha kuchh aise chalte hon do nanhe nanhe dipak kali raat mein jaise rah rah kar sari ka aanchal kandhe par se dhalak jata tha rah rah kar tujh se kuchh kahne ko mera ji lalchata tha lekin ruk jati thi honton par jo baat uthti thi man mein prem ki chikh lipta alhi thi laj ki an-suljhi uljhan mein jhum raha tha jagte sapnon ka sansar aankhon mein aise aur ki moti jhul rahe hon phulon ke jhulon mein jaise alag alag bechain tha chappu hathon se chhuta jata tha aur yun mere sabr ka pyala rah rah kar chhalka jata tha eka eki tu ne bhari ek thandi sans angdai le kar chup ki thakan se baz aai thi sar ko rakha mere kandhe par phir kya tha dil aise machla apne aap ko bhul gaya main zor se tujh ko bhench kar apni bahon mein kuchh bol utha main ek mein kya aakash ke tare bhi wo raat nahin bhule hain jis ko guzre aaj to lag-bhag chaar mahine bit gae hain ab bhi is ki yaad macha deti hai ek halchal si man mein aisi raat nahin aati hai palat kar kyun mere jiwan mein