chand
qarib aao baitho mere pas

mere chup dost
mujhe do

chite ka nuqrai daghdar badan
barfili raat mein daba hua

jo tumhaari god mein hai
mujhe sikhao do lafz

haspanwi chini purtagali
ikhlas ke wo sabz lafz

jo tum ne sune hain
apni chandni mein khauf-pa guzre huon ki

amanat ki tarah
jazb kar liye hain

mujhe do
auraton aur nazmon ke badan

ki jawan hote dhalte rahe hain
tumhaare charkhe ke sut ki tarah jo tum

mere aur meri duniya ke bachpan se
aaj talak

katte rahe ho
aainda bhi katoge